एसी कॉम्प्रेसरचा स्फोट होऊन एका मेकॅनिकचा दुर्दैवी मृत्यू; घरी काम करत असताना ही दुर्घटना घडली.

इंडियन न्यूज 

 मुरादाबाद गलशहीद भागात एअर कंडिशनरमध्ये गॅस भरत असताना कॉम्प्रेसरचा स्फोट झाला, ज्यात मोहम्मद कैफ हा मेकॅनिक गंभीर जखमी झाला. त्याच्या कुटुंबीयांनी त्याला तातडीने जिल्हा रुग्णालयात नेले, मात्र उपचारादरम्यान त्याचा मृत्यू झाला. शुक्रवारी रात्री हा मेकॅनिक स्वतः एसीमध्ये गॅस भरण्याचे काम करत होता. कुटुंबीयांनी कोणतीही कायदेशीर कारवाई न करता मृतदेहावर अंत्यसंस्कार केले.

असलातपुरा भागातील रहिवासी आणि इस्माईल यांचा मुलगा असलेला मोहम्मद कैफ हा एसी मेकॅनिक होता. शुक्रवारी रात्री साधारण ८ वाजता, तो आपल्या घरातील एअर कंडिशनरमध्ये गॅस भरत असतानाच एसीचा कॉम्प्रेसर मोठ्या आवाजासह फुटला. त्या जोरदार स्फोटाचा आवाज ऐकून परिसरातील लोक घटनास्थळी धावून आले.

त्याच्या नातेवाईकांनी जाऊन पाहिले असता, तो तिथे गंभीर जखमी अवस्थेत पडलेला आढळला. त्यांनी त्या मेकॅनिकला उपचारांसाठी तातडीने जिल्हा रुग्णालयात नेले, परंतु उपचार सुरू असतानाच मोहम्मद कैफचा मृत्यू झाला. कुटुंबीयांनी त्याचा मृतदेह घरी आणला आणि माहिती मिळताच गालशहीद पोलीस घटनास्थळी दाखल झाले.

पोलिसांनी मृतदेह शवविच्छेदनासाठी पाठवण्याचा प्रयत्न केला असता, कुटुंबीयांनी हा मृत्यू अपघातामुळे झाल्याचे सांगत कायदेशीर कारवाई करण्यास नकार दिला. शहर पोलीस अधीक्षक कुमार रणविजय सिंह यांनी सांगितले की, एसी कॉम्प्रेसर फुटल्यामुळे त्या मेकॅनिकचा मृत्यू झाला आणि कुटुंबीयांनी याप्रकरणी तक्रार दाखल करण्यास नकार दिला.

 कॉम्प्रेसर फुटण्याची कारणे

जर मेकॅनिकने R-32 किंवा R-410 सारख्या उच्च-दाब असलेल्या वायूंऐवजी चुकीचा वायू प्रणालीमध्ये भरला किंवा क्षमतेपेक्षा जास्त वायू भरला, तर अंतर्गत दाब धोकादायक पातळीपर्यंत वाढतो आणि त्यामुळे कॉम्प्रेसर फुटू शकतो.

वायू भरताना 'व्हॅक्यूम' प्रक्रियेद्वारे कॉम्प्रेसरच्या पाईपलाईनमधून हवा पूर्णपणे बाहेर काढली गेली नाही, तर हवा आणि वायूच्या मिश्रणामुळे उच्च तापमानाला अति-दाब निर्माण होतो आणि एखाद्या ठिणगीमुळे स्फोट होऊ शकतो.

अनेकदा, गळती तपासल्यानंतर मेकॅनिक कॉम्प्रेसरमधील नायट्रोजन वायू बाहेर काढायला विसरतात किंवा दुसरा एखादा तंत्रज्ञ आधी काहीही न तपासता त्यात वायू भरायला सुरुवात करतो; यामुळे स्फोट होऊ शकतो.

भारतात पहिल्यांदाच 9 पोलिसांना एकाचवेळी फाशीची शिक्षा; लॉकडाऊनमध्ये केलेल्या मोठ्या चुकीची शिक्षा मिळाली

मदुराई:-मदुराईतील सातानुकुलम पोलीस स्टेशनमध्ये 2020 साली कोरोना काळात वडील आणि मुलाचा पोलीस स्टेशनमध्ये मृत्यू झाला होता. या प्रकरणात न्यायालयाने 9 पोलिसांना दुहेरी फाशीची शिक्षा सुनावली आहे. याचबरोबर सर्व दोषींना दंड देखील ठोठावला आहे.

तुतीकोरन जिल्ह्यातील सातानुकुलम येथील व्यापारी जयराज आणि त्यांचा मुलगा बेनिक्स या दोघांना पोलिसांनी 19 जून 2020 रोजी कोरोनाकाळात ताब्यात घेतले. आणि अतिशय निर्दयपणे मारहाण केली.

त्यानंतर त्यांना 21 जून रोजी कोविलपट्टी तुरुंगात ठेवण्यात आले. 22 जून रोजी बेनिक्सचा मृत्यू झाला तर जयराज यांचा दुसऱ्या दिवशी सकाळी मृत्यू झाला.

या प्रकरणानंतर देशात मोठ्या प्रमाणात गदारोळ निर्माण झाला. त्यानंतर मद्रास हायकोर्टाने या प्रकरणाचे स्वतःहून दखल घेत पोलिसांकडून अहवाल मागवला. मग हे प्रकरण सीबीआयकडे सुपूर्त करण्यात आले.

या प्रकरणातील मुख्य आरोपी सातानुकुलम जे स्टेशन इंचार्ज श्रीधर हे होते. त्यांच्या व्यतिरिक्त अन्य पोलिसांवर देखील गुन्हा दाखल करण्यात आला होता.

या प्रकरणातील सर्व 10 आरोपींना निलंबित करण्यात आले आणि त्यांना अटक करुन मदुराईतील सेंट्रल जेलमध्ये ठेवण्यात आले. या आरोपींपैकी एक जण पालदुरई याचा मृत्यू ऑगस्ट 2020 मध्ये कोव्हिडमुळे झाला. इतर 9 आरोपींना कोर्टाने फाशीची शिक्षा सुनावली आहे.

या प्रकरणात पोलिसांनी दोन भागात 2427 पानांचे चार्जशीट दाखल केले. प्रकरणाची सुनावणी मदुराईचे पहिले अतिरिक्त न्यायाधीश यांच्या सत्र न्यायालयात झाली. त्यांनी सर्व आरोपींचा जामीन फेटाळला होता.

23 मार्चला न्यायालयाने सर्व आरोपींना दोषी ठरवले आणि 6 एप्रिल रोजी शिक्षा सुनावली.

शहर पेटलंय, पण प्रशासन थंड, गुन्हेगारीचा खेळ सुरूच..

शहर पेटलंय, पण प्रशासन थंड, गुन्हेगारीचा खेळ सुरूच..

चार दिवसांत ७ हल्ले, श्रीरामपूर पेटलं,गुन्हेगारीचा भस्मासुर बेभान 

इंडियन न्यूज | प्रतिनिधी श्रीरामपूर शहरात गेल्या चार दिवसांत तब्बल सात हल्ल्यांच्या घटना घडल्या असून शहरात भीतीचे सावट निर्माण झाले आहे. रामनवमी यात्रेचा जल्लोष आणि सय्यद बाबा उर्सेची गर्दी सुरू असतानाच या रक्तरंजित घटनांनी शहराच्या प्रतिमेला गंभीर गालबोट लागले आहे.

शहरातील मुख्य चौक, गजबजलेले भाग आणि वर्दळीच्या ठिकाणीच सर्रास चाकू, कोयते आणि हत्यारांचा वापर होत असल्याने नागरिकांमध्ये दहशतीचे वातावरण पसरले आहे. कधी, कुठे, कोणावर हल्ला होईल याचा काही नेम उरलेला नाही.

गुन्हेगारांचा माज – पोलिसांचा मौनव्रत 

शहरात गुन्हेगारीचा भस्मासुर अक्षरशः बेभान झाला असताना पोलिस प्रशासन मात्र गांधारीची भूमिका घेत असल्याचा संताप व्यक्त होत आहे. वाढत्या हल्ल्यांवर अंकुश ठेवण्यात पोलिस अपयशी ठरत असल्याने सर्वसामान्य नागरिकांमध्ये प्रचंड नाराजी आहे.

लोकप्रतिनिधींचा दबदबा संपला का?

खासदार-आमदार यांचा प्रशासनावर अंकुश उरलेला नाही, उलट प्रशासनच त्यांना गिनत नसल्याची चर्चा शहरभर रंगली आहे. नागरिकांच्या सुरक्षेचा प्रश्न ऐरणीवर असताना लोकप्रतिनिधी मात्र शांत असल्याने संताप आणखी वाढत आहे.

उत्सवांवर गुन्हेगारीचे सावट-

धार्मिक उत्सवांच्या काळात शांतता राखण्याऐवजी गुन्हेगारी डोके वर काढत असल्याने श्रीरामपूरची कायदा-सुव्यवस्था धोक्यात आल्याचे चित्र आहे.

नागरिकांचा सवाल.पोलीस आणि प्रशासन जागे होणार तरी कधी? की अजून मोठी घटना घडल्यावरच हालचाल होणार? असा संतप्त सवाल आता शहर वासियांकडून विचारला जातोय...

गावातील जनतेने सावधानता बाळगावी

गावातील जनतेने  सावधानता बाळगावी

वांबोरी (प्रतिनिधी )- वांबोरी येथील एकाच फोन रिपेअर करायला टाकला असून देखील त्याचे सोशल मिडिया अकाउंट हॅक झाल्याचे प्रतिष्ठित जनते कडून म्हणले जात आहे गावांतील मुलांचे सोशल आयडी व मोबाईल फोन हॅक होत असुन सर्वांना कळवण्यात  येते की  

APK 🗄️ 🗃️ नावाने कोणत्या ही व्हॉट्सअँप ग्रूप मध्ये फाईल आल्यास ओपन करण्याचा प्रयत्न करु नये 

अन्यथा ॲप ओपन केल्यास तुमचा फोन हॅक होऊ शकतो 

त्याच बरोबर गुगल मार्फत टू स्टेप व्हेरिफिकेशन ऑन करुन घ्यावा त्याने तुमची पासवर्ड सिक्युरिटी ही वाढेल व हॅक होणे थांबेल 

सतर्क राहा सुरक्षित रहा

याचं सारखा प्रकार अंगणवाडी सेविकांचे मोबाईल हँक करुन मोबाईल डाटावरुन गावातील महीलांना फोन करुन पैसे लुटण्याचा नविन फंडा सुरु झाला असुन कुणीही अशा अमिषाला बळी पडू नये असे अवाहन इंडियन न्यूज मार्फत  केले आहे                                     काही दिवसापूर्वी बेलापुर खूर्द येथील अंगणवाडी सेवीका जया पुजारी यांचा मोबाईल हँक करुन गावातील महीलांची माहीती घेवुन त्यांना फेक काँल करण्यात आले तुमचे अनुदान मंजुर झाले आहे पैसे पाठविण्यासाठी फोन पे ओपन करा माहीती भरा ओटीपी टाका अशा सुचना देण्यात येतात बेलापुर खूर्द येथील पाच सहा महीला या अमिषाला बळी पडल्या त्यांचे पैसे गेले आता गळनिंब येथील सौ शितल सुनील वाघ या महिलेची आठ दिवसापूर्वी प्रसूती होऊन मुलगा झालेला असून त्या महिलेला आज जाटे वस्ती अंगणवाडी येथील सर्व माहिती सांगून अंगणवाडी सेविका मदतनीस यांचे नाव सांगून तुमच्या बाळाचे सात हजार रुपये मंजूर झाले असून तुम्हाला ते फोन पे ला पाठवायचे आहे. असे सांगून फोन पे सुरू करण्यास सांगितले व नोटिफिकेशन पाठवून तुमचे पैसे तुमच्या अकाउंटला घेता येईल. असे सांगून पाच हजार रुपये फोन पे ने काढून घेतले. या प्रकारच्या अनेक घटना ग्रामिण भागात घडत आहेत या बाबत कुणीही तक्रार करत नाही हा सर्व प्रकार फेक आसुन शासन कुठल्याही प्रकारे फोन पे द्वारे अनुदान पाठवत नाही शासनाचे जे अनुदान येते ते सरळ आपल्या बँक खात्यावर येते त्यामुळे कुणीही या अमिषाला बळी पडू नये  ग्रामीण भागातील महिलांनी असे फोन कॉल आल्यानंतर संबंधित व्यक्तीना किंवा आम्हाला फोन करावा. व कोणत्याही अमिषाला बळी पडू नये. असे अवाहन इंडियन न्यूज यांनी केले आहे

उक्कलगाव ग्रामस्थ व पोलीसांच्या मदतीने मनोरुग्ण सुखरूप घरी

उक्कलगाव प्रतिनिधी :- कसलीही माहिती उपलब्ध नसताना मनोरुग्ण असलेल्या व्यक्तीच्या नातेवाईकांचा शोध घेवुन बेलापूर पोलीसांनी त्या व्यक्तीस नातेवाईकांच्या ताब्यात दिले मनोरुग्ण मुलाला पहाताच आई व भावाला गहीवरुन आले. पोलीसातील माणूस आजही जिवंत असल्याची भावना आई अलका ससाणे यांनी व्यक्त केली. वाहेगाव तालुका पैठण

जिल्हा संभाजीनगर येथील सोमनाथ नंदकुमार ससाणे हा मनोरुग्ण आहे. त्या अवस्थेत त्याने घर सोडले व भटकत भटकत तो उक्कलगाव येथे पोहोचला. येथील शिंदे वस्तीत गेल्यावर त्याने आरडाओरड सुरु केली अशोक शिंदे, शुभम शिंदे, वैभव शिंदे, प्रमोद शिंदे यांनी तातडीने युवा नेतृत्व युवराज थोरात यांना माहिती दिली. युवराज थोरात पोलीस पाटील हिराबाई मोरे, इंद्रजित मुसमाडे, मुकेश जगधने, दिपक पवार, सोन्या खेमनर यांच्या सह शिंदे वस्तीवर पोहोचले त्यांना वाटले चोर असावा परंतु तो निरर्थक बडबड करीत होता. तो काहीही बोलू लागला. कुणाच्याही घरात जावु लागला रस्त्यावर बसुन लोळू लागला . युवराज थोरात व पोलीस पाटील हिराबाई मोरे यांनी तातडीने बेलापुर पोलीस स्टेशनचे कॉन्स्टेबल संपत बडे यांना या बाबत माहिती दिली संपत बडे तातडीने तेथे आले त्यावेळेस योगेश ससाने याच्या खिशात काहीही आढळून आले नाही. त्याला माहिती विचारली असता तो केवळ ससाने इतकेच सांगत होता त्यामुळे काय करावे हा प्रश्न बडे यांना पडला त्यांनी त्याला खोदून खोदून विचारले परंतु त्याला काही नाव गाव पत्ता काहीच सांगता येत नव्हते व तो वेगळीच काहीतरी बडबड करीत होता. बडे यांनी गृहरक्षक दलाचे महेश थोरात, रणजीत थोरात, व हर्षल इंगळे यांच्या सहकार्याने त्यास बेलापूर पोलीस स्टेशन येथे आणले. तेथे त्याला नाश्ता दिला. त्यानंतर त्यांनी पुन्हा एक वार तपासणी केली असता त्याच्या खिशात एक बारीक कागद सापडला त्यावर कुणाचा तरी नंबर होता पोलीस कॉन्स्टेबल बडे यांनी त्या नंबर वर संपर्क साधला असता त्यांनी देखील मी संबंधितास ओळखत नाही माझ्या परिचयाचा नाही असे सांगितले परंतु बडे यांनी त्याच्याकडे पाठपुरावा केला असता त्याने त्या गावातील एका व्यक्तीचा नंबर दिला. बडे यांनी संबंधित व्यक्तीच्या फोनवर फोन केला असता त्याने सदर इसम आमच्या गावातीलच असून तो मनोरुग्ण असल्याचे सांगितले व त्याच्या भावाचा व आईचा नंबर दिला पोलिसांनी तातडीने त्याचा भाऊ योगेश याचेशी संपर्क साधला भाऊ मिळाल्याचे समजताच दोघांनाही अतिशय आनंद झाला ते तातडीने बेलापूर येथे येण्यास रवांना झाले तोपर्यंत त्याची काळजी घेण्याची विनंती देखील आईने पोलिसांना केली पहाटे दोन वाजता त्याची आई अलका नंदकुमार ससाने व भाऊ योगेश बेलापूर पोलीस स्टेशनला आले व भावाला ताब्यात घेतले त्यावेळी आईचा व भावाचा आनंद गगनात मावेना त्यांनी मुलाला शोधून दिल्याबद्दल पोलिसांना धन्यवाद दिले. पोलीस आपले कर्तव्य चूक बजावत असून आपल्या मनोरुग्ण मुलाला सुखरूप कुटुंबाच्या ताब्यात दिल्याबद्दल आई अलका नंदकुमार ससाने हिने बेलापूर पोलिसांना धन्यवाद दिले ससाने कुटुंबीयाचे आनंदाश्रू पाहून पोलीस कॉन्स्टेबल बडे व होमगार्ड रणजीत थोरात महेश थोरात हर्षल इंगळे यांनाही गहिवरून आले